أنا و«لزلى» فى لندن

أول ما وصلت لندن قابلت لزلى ليلى، كاتب السيناريو البريطانى، اللى كنت أعرفه من بعض مؤتمرات ومعارض الكاريكاتير الدولية اللى ترددت عليها لما كنت ناشط كاريكاتيرى. لز، وده اسم الدلع بين أصدقائه، كان بريطانى من النوع القياسى اللى بيطلع فى الكتب وتؤلف عليه الروايات. كان راجل موزون واللى فاكره عنه هو الجاكيت الـ«تويد» أبو رقعة بنى فى الكوع، وشعره الأبيض وشنبه المنفوش، ونبرة صوته الهادية المتزنة والوقورة. كنت باحس إنه أكاديمى جاد رغم إن الراجل أياديه البيضاء على عالم الكاريكاتير والكوميكس كتيرة.

هذا المحتوى من «المصري اليوم».. اضغط هنا لقراءة الموضوع الأصلي والتعليق عليه

من المصري اليوم | أخبار